Ash'aar

Ta'ajjub hai teri gehri mohabbat pay faraz
Wo teri rooh main basa hai aur tu uskay vehm-o-guman main bhi nahin.

--------------

Jo hukum deta hai vo iltija bhi karta hai
ye aasmaan kahin per jhuka bhi karta hai

main apni haar pe naadim iss yakeen ke saath
ke apne ghar ki hifazat khuda bhi karta hai

tu bewafa hai to le ek buri khabar sunn le
ke intazaar mera dusra bhi karta hai

---------------

Aay umr-e-rawan zara Aahista Chal .....
Kuch khawab hain jin ko likhna hai
Tabeer ki soorat deni hai
Kuch loag hain ujry dil waly
Jinhain apni muhabbat se abad karna hai
Kuch phool hain jin ko chunna hai
Aur haar ki soorat deni hai
Kuch apni nend(sleep) baqi hai!
Jisy bantna hai kuch logun main
Un ko b tu rahat deni hai
Aay umr-e-rawan
Aahista chal
Abhi khasa qerz chukana hai….

-------------------


Bad-Naam Huwe Hum Shehar Main Jis Ke Wajha Sai...

Qasam Sei Us Shakhas Ko Kabhi Hum Nai Jee Bhar K Dekha B Nahi.!

-------------------


Woh Aur Hongy Jo Duniya Main Pur Musarat Hain..!

Mera Tou Ghum Bhi Na Dekha Gaya Zamane Sy..!

------------------


‎'GHAFIL TERI YADON SE HUA MAIN TU NAHI THA,
TU THA HI JUDA TUJH SE JUDA MAIN TU NAHI THA,
JAA TU MERI GUFTAR K QABIL HI NAHI HAI,
YE LAFZ KABI KEH K GIYA MAIN TU NAHI THA,
BESAKHTA GHABRA K PUKARA THA KISI KO,
SOCHO TERY HOTON KI SADA MAIN TU NAHI THA,
KOI TU MERAY JURM KI TAFSEEL BATA DE,
AYE DOST TERAY HAQ MEIN BURA MAIN TU NAHI THA,
TAQDEER KA LIKHA HUA PAYA HAI SABHI NE
THA JO BHI MAGAR TERA KHUDA MAIN TO NAHI THA....!!

--------------------

Shikast o fatah naseebon se hai ay Meer ...
Muqabla tou dil e natwan ne khoob kiya..


----------------------


Apna dil apni tabahi ka sabab hota hai
Yeh Muhabbat ka zamana b ajeeb hota hai
Kon c baat ney kis shakhs ka dil tor diya
Bolney waley ko ehsas hi kab hota hai..


-----------------------


Ana Ki Baat Hai, Warna Mohabbat Ab Bhi BaaQi Hai
Usey Meri Mujhey Uski, Zaroorat Ab Bhi BaaQi Hai

Koi Mushkil Agar Darpesh Aaye, Laut Aana Tum
Tumhare Wastey Dil Mein, Aqeedat Ab Bhi BaaQi Hai

Bala Ki Sard-Mehri Hai, Meri Har Baat Mein Lekin
Mere Seeney Mien Chahat Ki, Hararat Ab Bhi BaaQi Hai

------------------------

Ab ke tajdiid-e-vafaa kaa nahii.n imkaa.N jaanaa.N

ab ke tajdiid-e-vafaa kaa nahii.n imkaa.N jaanaa.N 
yaad kyaa tujh ko dilaaye.N teraa paimaa.N jaanaa.N 

[tajdiid=renewal; imkaa.N=possibility]
[jaanaa.N=dear one/beloved; paimaa.N=promise] 

yuu.N hii mausam kii adaa dekh ke yaad aayaa hai 
kis qadar jald badal jaate hai.n insaa.N jaanaa.N 

zindagii terii ataa thii so tere naam kii hai 
ham ne jaise bhii basar kii teraa ehasaa.N jaanaa.N 

[ataa=given by; basar=to live; ehasaa.N=favour] 

dil ye kahataa hai ki shaayad ho fasurdaa tuu bhii 
dil kii kyaa baat kare.n dil to hai naadaa.N jaanaa.N 

[fasurdaa=sad/disappointed] 

avval-avval kii muhabbat ke nashe yaad to kar 
bepiye bhii teraa cheharaa thaa gulistaa.N jaanaa.N 

[avval-avval=the very first] 

aaKhir aaKhir to ye aalam hai ki ab hosh nahii.n 
rag-e-miinaa sulag uThii ki rag-e-jaa.N jaanaa.N 

[rag=veins; miinaa=wine-holder; jaa.N=life] 

muddato.n se ye aalam na tavaqqo na ummiid 
dil pukaare hii chalaa jaataa hai jaanaa.N jaanaa.N 

[muddat=awhile; tavaqqo=hope] 

ham bhii kyaa saadaa the ham ne bhii samajh rakhaa thaa 
Gam-e-dauraa.N se judaa hai Gam-e-jaanaa.N jaanaa.N 

[Gam-e-dauraa.N=sorrows of the world] 

ab kii kuchh aisii sajii mahafil-e-yaaraa.N jaanaa.N 
sar-ba-zaanuu hai ko_ii sar-ba-girebaa.N jaanaa.N 

[sar-ba-zaanuu=forehead touching the knees]
[sar-ba-girebaa.N=lost in worries] 

har ko_ii apanii hii aavaaz se kaa.Np uThataa hai 
har ko_ii apane hii saaye se hiraasaa.N jaanaa.N 

[hiraasaa.N=scared of] 

jis ko dekho vahii zanjiir-ba-paa lagataa hai 
shahar kaa shahar huaa daaKhil-e-zindaa.N jaanaa.N 

[zanjiir-ba-paa=feet encased in chains; zindaa.N=prison] 

ab teraa zikr bhii shaayad hii Gazal me.n aaye 
aur se aur huaa dard kaa unvaa.N jaanaa.N 

[unvaa.N=start of chapter/title] 

ham ki ruuThii hu_ii rut ko bhii manaa lete the 
ham ne dekhaa hii na thaa mausam-e-hijraa.N jaanaa.N 

[mausam-e-hijraa.N=season of separation] 

hosh aayaa to sabhii Khvaab the rezaa-rezaa 
jaise u.Date huye auraaq-e-pareshaa.N jaanaa.N 

[rezaa-rezaa=piece by piece; auraaq-e-pareshaa.N=strewn pages of a book] 

is qadar musal_sal thii.n shiddate.n judaa_ii kii

is qadar musal_sal thii.n shiddate.n judaa_ii kii 
aaj pahalii baar mai.n ne us bevafaa_ii kii 

[musal_sal=continuous; shiddat=severity] 

varanaa ab talak yuu.N thaa Khvaahisho.n kii baarish me.n 
yaa to TuuT kar royaa yaa Gazal_saraa_ii kii 

[Khvaahish=desire/wish] 

taj diyaa thaa kal jin ko ham ne terii chaahat me.n 
aaj un se majabuuran taazaa aashanaa_ii kii 

[taj denaa=to abandon; aashanaa_ii=love/form relationships] 

ho chalaa thaa jab mujh ko iKhtilaaf apane se 
tuune kis gha.Dii zaalim merii ham_navaa_ii kii 

[iKhtilaaf=difference of opinion; ham-navaa_ii=friendship] 

tanz-o-taanaa-o-tohamat sab hunar hai.n naaseh ke 
aap se ko_ii puuchhe ham ne kyaa buraa_ii kii 

[tanz=satire; taanaa=taunt; tohamat=allegation; naaseh=preacher] 

phir qafas me.n shor uTThaa qaidiyo.n kaa aur sayyaad 
dekhanaa u.Daa degaa phir Khabar rihaa_ii kii 

[qafas=cage/prison; sayyaad=hunter] 

qurbato.n me.n bhii judaa_ii ke zamaane maa.Nge

qurbato.n me.n bhii judaa_ii ke zamaane maa.Nge 
dil vo bemehar ki rone ke bahaane maa.Nge 

apanaa ye haal ke jii haar chuke luT bhii chuke 
aur muhabbat vahii andaaz puraane maa.Nge 

ham na hote to kisii aur ke charche hote 
khalqat-e-shahar to kahane ko fasaane maa.Nge 

dil kisii haal pe maane hii nahii.n jaan-e-'Faraz'
mil gaye tum bhii to kyaa aur na jaane maa.Nge

Tum bhi Khafaa ho log bhii beraham hai.n dosto

tum bhi Khafaa ho log bhii beraham hai.n dosto 
ab ho chalaa yaqii.n ke bure ham hai.n dosto 

kis ko hamaare haal se nisbat hai kyaa kare.n 
aa.Nkhe.n to dushmano.n kii bhii pur_nam hai.n dosto 

apane sivaa hamaare na hone kaa Gam kise 
apanii talaash me.n to ham hii ham hai.n dosto 

kuchh aaj shaam hii se hai dil bhii bujhaa bujhaa 
kuchh shahar ke chiraaG bhii maddham hai.n dosto 

is shahar-e-aarazuu se bhi baahar nikal chalo 
ab dil kii raunaqe.n bhii ko_ii dam hai.n dosto 

sab kuchh sahii 'Faraz' par itanaa zaruur hai 
duniyaa me.n aise log bahut kam hai.n dosto 

PYARI MAA MUJHKO TERI DUA CHAHIYE.

Allama Iqbal kay buland martabay ka raaz

masjid to bana di

مسجد تو بنادی شب بھرمیں ایماں کی حرارت والوں نے
من اپنا پرانا پاپی ہے، برسوں میں نمازی بن نہ سکا

کیا خوب امیرِفیصل کو سنوسی نے پیغام دیا
تو نام و نسب کا حجازی ہے پر دل کا حجازی بن نہ سکا

تر آنکھیں تو ہو جاتی ہیں، پر کیا لذت اس رونے میں
جب خون جگر کی آمیذش سے اشک پیازی بن نہ سکا

اقبال بڑا اپدیشک ہے من باتوں میں موہ لیتا ہے
گفتار کا یہ غازی تو بنا، کردار کا غازی بن نہ سکا

  علامہ اقبال
                                                        از
                                                       سید محمد صبغت اللہ

AHMED FARAZ POETRY

Dukh Fasana Nahi by Ahmed Faraz

Allama Iqbal--Tu raaz e Kun Fakan hai ( Tulu e Islam)

Kalam-e-Iqbal by Rahat Fateh Ali & Hina Nasrullah (with lyrics)

Shauq Ki Shiddat

Masjid to bana di shab bhar main..

Naat-e-rasool saw

Sunta hun baday ghaur say

Naat-e-Rasool (SAW)

Achchay hain ya buray hain

Main bhi ajeeb

Teray Bina :)

Pyaas

Allah is beautiful and loves beauty, [Muslim]